Dumanonen iti dua pulo ket maysa ti nailista a kaso ti shooting incident sadiay Abra manipud Enero a dose agingga Abril kwatro.
Dua kadagitoy ti nabigbig nga election related incident, siyam kadagitoy ti under investigation, maysa ti solved case ngem saan a nagipila iti kaso ti biktima bayat a pito ti under preliminary investigation.
Nupay kasta, manarimaan ti pannaka-evaluate dagiti innem kadagitoy no adda pakainaiganna iti eleksyon.
Kabayatanna, nailista metlaeng ti sag-maysa a kaso ti shooting incident iti siudad ti Baguio,Apayao, Benguet, Ifugao, Kalinga ken Mountain Province.
Manipud kadagitoy a kaso, maysa ti nasolbar ngem pimmusayen ti suspek, dua kadagitoy ti underpreliminary investigation, maysa iti resolved dismissed ken maysa iti under areignment ken maysa iti pre-trial.
Kagiddan dayta, agtultuloy a naka-orange category dagiti tallo a munisipyo sadiay a pakairamanan ti Bangued, Bucay ken Pilar gapu paylaeng iti political rivalry ken dagiti napalabas nga election related incidents.
Yellow category dagiti innem a munisipyo sadiay daytoy ket pakairamanan ti Lagayan, Pidigan, Tayum, Tineg, Dolores ken Lagangilang gapu metlaeng iti political rivalry.
Iti baet dayta, agtaltalinaed iti green category dagiti 75 a munisipyo iti Rehiyon Cordillera pakairamanan ti siudad ti Baguio ken Tabuk City.//Bombo Noveh Organo
