Kinissayan ti Commission on Elections (COMELEC) ti panawen a mangipalubos iti panagwithdraw kadagiti certificate of Candidacy ken ti filling of substitute candidates para iti 2025 elections.
Sigun kenni Commission on Elections (COMELEC) Chairman George Erwin Garcia, panggep daytoy a malapdan ti mabalin a pananggundaway dagiti political groups ken panangallilaw kadagiti tattao no siasino ti pilienda kadagiti kandidato.
Kinunana nga agingga Oktubre a otso ti maudi a panangipila dagiti aspirant iti Certificate of Candidacy (COC) kas substitute candidate.
Maipalagip a mangrugi ti filing of candidacy manipud inton Oktubre a uno aginga Oktubre a otso iti agdama a tawen.
Innayonna pay a ti pudno a kandidato ket rumbeng a dagus daytoy a mangipila ti kandidaturana tapno maam-ammo daytoy.
Gapu iti daytoy, impaganetget ni Garcia a saandan nga ipalubos ti substitution kalpasan ti filling period inton Oktubre a otso, iti agdama a tawen.
