Pinalpaltugan ti maysa a lalaki ti siam nga indibidual agraman ti dua nga ubbing iti parke idiay Detroit idi kalman ti rabii sakbayna a pinaltugan ti bukodda a bagi gapu iti panang-corner dagiti kameng ti pulisia.
Inawagan dagiti otoridad ti insidente a random gunfire ken kinunada a na-corner ti suspek isut rason a pinaltuganna ti bukodna a bago.
Narekober manipod iti suspek ti “handgun” manipod iti nakapasamakan ti insidente.
Naduktalan pay dagiti otoridad iti uneg ti pagtaengan daytoy ti maysa a “semiautomatic rifle”.
Nabigbig ti suspek nga agtawen ti 42 a lalaki.
Saan pay a nalawag nu anya ti motibo ti suspek.
Kabayatanna, ti maysa a biktima nga agtawen ti 8 ket kritikal ti kondisionna kalpasan a napaltugan ti ulo daytoy bayat a ti maysa nga agtawen ti 4 ket nadangran ngem nasayaaten ti kondisionna.
Ti nanang dagitoy ket kritikal ti kasasaad daytoy kalpasan a nadangran ti tiyan ken saka daytoy.
Dagiti dadduma nga innem a biktima ket agtawen amin ti tallo pulo agpangato ket nasayaat ti kondisionda sigun kenni Oakland County Sheriff Michael Bouchard.
