Naipasidong ni sigud a Bamban, Tarlac Mayor Alice Guo iti booking procedure ken medical examination idiay Camp Crame kagiddan ti panakairuar ti court order a daytoy ket maiyalis iti Pasig City Jail Female Dormitory.
Maipalagip a ti panakaiyakar ni Guo manipud Philippine National Police Custodial Center iti Camp Crame iti Pasig City Jail Female Dormitory ket saan a natuloy idi kalman gapu ta saan pay a nalpas dagiti otoridad ti panakaiproseso ti documentary requirementsna a pakairamanan ti medical assessment daytoy.
Sigun kenni Jail Chief Inspector Jayrex Joseph Bustinera, spokesperson ti Bureau of Jail Management and Penology (BJMP), nakasagana dagitoy ken nakastandbyda para iti panakaiyakar ni Guo ita a lawas.
Kinuna ni Bustinera a ni Guo ket makikadua kadagiti 44 nga inmates iti maysa a detention facility.
Maipalagipa ti pakaiyakar ni Guo ket gapu iti bilin ti Pasig City Regional Trial Court Branch 167 a nangdesisyon a saan a bailable wenno saan a mapyansaan ti kasona a human trafficking.
Immuna met a nagbayad ni Guo iti P540-K kas pyansana iti kaso daytou a graft bayat a naituding ti sumaruno a hearing daytouy inton Setyembre 25 iti agdama a tawen.
