--Ads--
Nakaruaren iti Pilipinas ni sigud a Bamban Tarlac Mayor Alice Guo wenno Guo Hua Ping.
Sigun kenni senador Risa Hontiveros, naimatangan ni Guo idiay Kuala Lumpur, Malaysia idi rabii ti July 18, 2024.
Kinuna ti senadador nga inusar ni Guo ti Philippine passport daytoy tapno rumuar iti Pilipinas.
Kinuna pay mapagtalkan a source ti senadora, nagturong ni Alice Guo idiay Singapore nu sadinno, nagsisinnabatda kadagiti nagannak a da Len Wen Yi ken Guo JianZhong.
Dagiti nagannak ni Alice ket nagtaud met idiay China idi July 28, 2024 ken nagbalin a kasla reunion ti napasamak iti pamiliada kaduada ni Wesley Leal Guo ken Cassandra Ong.
Iti agdama, awan pay ti komento ni Atty Stephen David, ti abogado ni Alice Guo.
