Binilin ti Sandiganbayan ni sigud nga Speaker Martin Romualdez nga agparang iti hearing inton Setiembre 10, 2026 no nasayaat ti salun-at daytoy.
Agtaltalinaed paylaeng ni Romualdez iti Cardinal Santos Medical Center sadiay San Juan City kalpasan a naiserbi ti warrant of arrest gapu iti maatap a P7.4 billion plunder case mainaig iti flood control kickback scheme.
Kasaruno ti pannakaarestar daytoy, impila ti kampo ni Romualdez ti petition iti Sandiganbayan Third Division a mangkidkiddaw a mapalubusan daytoy nga intuloyna ti hospital confinement gapu iti sagsagabaenna a sakit.
Kabayatanna, nabilin ni Romualdez wenno ti doktorna nga ipaayda iti korte ti resulta ti amin a medical examinations daytoy kabayatan ti nasao a panagdengngeg.
Mainaig iti dayta, binilin metlaeng ti Third Division ti Clerk of Court nga ipaulogda ti subpoena ad testificandum kennni Dr. Rody Sy, Dr. Rogelio Libarres, Dr. Kurt Allen V. Sibayan, ken Dr. Rosalio P. Torres ti Cardinal iti panagdengngeg intun Sep. 10, 2026.
