Kiniddaw ti kampo ni sigud a House Speaker Ferdinand Martin Romualdez nga ag-inhibit wenno isardeng paylaeng ti Office of the Ombudsman ti imbestigasyon kontra kenkuana.
Daytoy ket mainaig iti maatap a kontrobersiya iti flood control projects.
Sigun iti kampo ni Romualdiz, adda ti “pattern of prejudgment” a panaglabsing iti due process.
Maibasar iti uppat a panid ti surat a napetsaan iti Abril 22, 2026, impetteng ti abogado ni Romualdiz a ti komento da Ombudsman Jesus Crispin Remulla ken sumagmamano nga opisilal ket arigna nga indekeddengdan nga adda ti maipila a plunder case.
Daytoy ket iti baet nga awan paylaeng ti pormal a reklamo wenno preliminary investigation.
Sigun iti kampo ni Romualdez, nangrugi paylaeng idi Nobyembre 2025 ti maatap a bias nga imbestigasyon kalpasan a kinuna ni Remulla nga ad-adalaenda ti kaso ken posible a plunder charges.
