Napaneknekan a saan a guilty iti kaso a murder ti sigud a Japanese professional boxer a ni Iwao Hakamata iti uneg ti uppat a pulo ket walo a tawen a panakaibalud daytoy.
Tawen 1966 idi nasentensiyaan ni Hakamata iti bitay gapu iti pammapatay iti uppat nga indibidual.
Ngem kalpasan ti lima pulo ket walo a tawen, naabsuwelto ti kaso daytoy gapu iti panakairuar dagiti ebidensiya a mangpaneknek a saan nga inaramid ni Hakamata ti nasao krimen.
Tawen 2014 idi nagdesisyon ti korte a mawaya-wayaan ni Hakamata kalpasan nga inruar ti legal defense ti ebidensiya.
Sipud idi nagrugi a nagbirok ti kabsat daytoy ni Hideko Hakamata iti ebidensya a mangpaneknek nga inosente ti kabsatna.
Idi Setyembre 26 ita a tawen laeng nga imbaba ti Japanese court ti desisyon daytoy seknan iti kaso ni Hakamata.
Iti agdama, saanen a psychologically fit ni Hakamata ken agnanaed iti pagtaengan ti kabsatna.
Background story:
Idi nagretiro ni Hakamata kas maysa a professional boxer, nagtrabaho daytoy kas miso maker.
Live-in employee daytoy iti factory iti nasao a kompanya.
Tawen 1966, natiliw ni Hakamat gapu iti kaso a pammapatay iti senior managing director ti kumpanya karaman ti asawa daytoy ken dua nga annakna.
Nasarakan a nabagbagsol ti uppat a biktima iti pagtaengan dagitoy idiay Shizuoka Prefecture.
Nagbalin a primary suspect ni Hakamata gapu iti lima a pidaso ti kawes a namantsaan ti dara.
Maibasar pay iti imbestigasyon, nagmatch ti blood type dagiti biktima ken ti dara ni Hakamata a nasarakan kadagiti kawes.
Tawen 1980, idi maipinal ti desisyon a mairaman iti death row ni Hakamata.
