Imbutaktak ni sigud a police colonel Eduardo Acierto iti panagdinggeg ti House Quad Committee a “protector” ni sigud a Presidente Rodrigo Duterte iti dua nga indibidual a mapapati nga adda pakainaganna iti panagilako ti iligal a droga.
Sigun kenni Acierto, dagitoy ket da sigud a Economic Adviser Michael Yang ken ti agnagan ti Allan Lim.
Dinakamat pay ti nasao nga opisial a saan nga inkankano ti sigud a presidente ti confidential report dagiti opisial ti Philippine Drug Enforcement Agency (PDEA) a naisubmitir seknan iti iligal a droga nga adda pakainaigan ni Yang idi 2017.
Gapu iti inaramidna a report, kinunana a napilaan daytoy ti reklamo ken nakabilan P10-15 million kas gunggona tapno mapapatay daytoy.
Kinumpirmar ni Acierto a da sigud a President Duterte ken Senador Bong Go ti adda iti likudan iti reklamo gapu iti inaramid daytoy a report.
Iti agdama, awan pay ti komento ti sigud a president ken ni Senador Bong Go.
