--Ads--
Nakadanunen ni sigud Negros Oriental representative Arnolfo “Arnie” Teves Jr., iti Bilibid Prison sadiay Muntinlupa City.
Naiturong daytoy iti detention facility kalpasan ti press conference iti National Bureau of Investigation headquarters sadiay Metro Manila.
Kinaduaan daytoy ti nanangna ken ti legal counselna a ni Atty. Ferdinand Topacio.
Nailugan met daytoy iti bulletproof nga SUV.
Maipalagip a ni Teves Jr., ket ti maatap a mastermind iti pannakapapatay ni sigud a Negros Oriental governor Roel Degamo ken dadduma pay.
