Naituding a tumestigo ni sigud a Philippine National Police (PNP) Chief Nicolas Torre III kontra kenni Kingdom of Jesus Christ founder Apollo Quiboloy.
Sigun kenni Torre, naikeddeng iti sumaruno a lawas ti umuna a panagparangna ngem saan a sigurado nu makidar-ay gaputa agtaltalinaed a naka-leave bayat nga adda metlaeng ti conflict iti schedule na iti nasao nga aldaw.
Ni Torre ti nangidaulo iti panangsapul ken pannakatiliw ni Quiboloy, kalpasan ti sumagmamano nga aldaw a police operation iti compound ti KOJC idiay Davao City.
Idi laeng Agusto-26 a nagepektibo ti leave ti sigud a PNP Chief ken agbayag agingga inton Oktobre-31.
Sigun kenkuana, agtaltalinaed ti suportana kadagiti proyekto ti gobierno, karamanen ti Bagong Pilipinas program ni Pang. Marcos.
Iti baet ti agdama a pakaseknan, kinunana a saan a rumbeng a maawan ti suporta iti Constitution, ken ti panagtulnog iti chain of command.
Kabayatanna, idi met madamag ti sigud a Chief seknan iti panggepna iti leave daytoy, kinunana nga awan pay ti napagdesisionanna nga aramiden iti agdama.
