Pinaglibakan ni sigud a Police colonel Edilberto Leonardo a nakaawat daytoy iti kwarta a panggun-guna kadagiti Police officers a nangpapatay kadagiti drug personalities iti administrasion ni sigud a president Rodrigo Duterte.
Mapapati a dumanon iti P20,000 agingga P1 Million ti gatad ti kwarta a gunguna, dipende iti threat level ti drug personality.
Maibasar iti House QuadComm inquiry seknan iti panangpapatay iti war on drugs, nasaludsud ni Leonardo maipapan iti testimonia ni sigud a Police Colonel Royina Garma a daytoy ti addan iti final authority a mangbigbig kadagiti mairaman iti listaan dagiti drug personalities ken mangklasipika kadagiti threat levels ken dadduma pay.
Malaksid iti dayta, nasaludsud pay ni Leonardo no adda ti kinaagpayso dagiti kinuna ni Garma a maipaay ti kwarta kas gunguna kadagiti police officials iti tunggal drugs suspek a patayen dagitoy.
Sigun kenni Leonardo, nangeganna ti maipapan iti reward system ngem awan ti bukodna a kapanunutan seknan iti daytoy.
Nupay kasta, impaganetget ni Laguna lawmaker Dan Fernandeza a ti reward system ket kinomperma ni Police Colonel Jovie Espenido ken dadduma pay.
