Impablaak ni sigud a President Rodrigo Duterte nga awanen ti kanayunan nga ilawlawagna seknan iti drug war bayat ti panagtakemna ken awan ti umdas a kuartana nga agturong idiay Metro Manila tapno sanguen ti panagdinggeg ti Quad Committee.
Kasaruno ti kinuna ni Surigao del Norte Representatives Ace Barbers, chairperson ti Quad Committee, a saan nga aggargaraw dagiti panel a mangipaulog iti subpoena iti sigud a presidente gapu iti maulit-ulit a panagkedkedna ti imbitasion ti komite.
Immunan nga inawagan da Manila Representative Benny Abante ken Abang Lingkod party-list Representative Stephen Paduano ni sigud a Presidente Duterte gapu iti saanna a pannakipaset iti panagdinggeg itay kanikadua nga immuna a kinuna ni Duterte a makipaset daytoy kalpasan ti Nobiembre a uno.
Ngem sigun iti sigud a presidente, saan daytoy a nakaawat ti pakaamo a tumabuno daytoy iti nasao a panagdinggeg, ken kinunana a nangipaay pay ti surat ti abogadona a ni Delgra III a saan a makipaset ni Duterte iti panagimbestigar iti Nobiembre 7 gaputa agduadua metten iti integridad dagiti investigating panels.
