--Ads--
Manarimaan ti koordinasyon ti Philippine National Police kadagiti maseknan nga ahensiya ti gobyerno tapno makumpirmar nu nakapanawen iti pagilian ni sigud a presidential spokesperson Harry Roque.
Daytoy ket kalpasan a nakaawat ti National Bureau of Investigation (NBI) iti saan a kumpirmado nga impormasyon a nakapanaw ni Roque iti pagilian.
Immunan nga imbilin ti House of Representatives ti pannakatiliw ni Roque kalpasan a nagkedked daytoy a mangisumitir iti dokumento a mangilawlawag iti kinabaknangna.
Maibasar ngamin iti report, ti assets ni Roque iti Biancham Holdings and Trading a P25,000 idi 2014 ket ngimmato iti P3.125 million idi 2015 agingga a nagbalin a P67.7 million idi 2018.
