--Ads--
Naiyalis ti sigud a TV host a ni Jay Sonza manipud iti kustodiya ti National Bureau of Investigation (NBI) idiay Pasay City paturong iti pasilidad idiay New Bilibid Prison.
Sigun kenni Mark Tolentino, nasayaat ti kondisyon ni Sonza ken ituloyda a tutokan dagiti legal nga addang tapno maprotektaran dagiti karbengan daytoy.
Maipalagip a naarestar ni Sonza idi Huwebes ti rabii iti pagtaengan daytoy idiay Quezon City babaen iti warrant nga inpresenta ti Pasay Regional Trial Court Branch 118 gapu iti maatap a panangiwarasna iti peke a dokumento ti medical record ni President Ferdinand Marcos. Jr.
Bayat iti pannakaarestar daytoy, dinakamat ni Sonza a nakasagana daytoy a maipasung iti due process. //bombokaren.c.s
