Inwaragawag ni House Secretary General Reginald Velasco a saan a makipaset da sigud a Vice Presidents Leni Robredo, Jejomar Binay ken Noli de Castro iti umadanin a maikatlo nga State of the Nation Address (SONA) ni President Ferdinand Marcos Jr. inton Hulyo 22, 2024.
Maipalagip a ni Robredo ti sigud a bise presidente idi administrasyon ni sigud a President Rodrigo Duterte idi tawen 2016 agingga 2022 bayat a ni Binay ket ti sigud a bise presidente idi administrasyon ni sigud a President Benigno “Noynoy” Aquino III idi tawen 2010 agingga 2016 ken ni De Castro ket ti sigud a bise presidente idi administrasyon ni sigud a President Gloria Arroyo idi tawen 2004 agingga 2010.
Kabayatanna, maur-uray pay laeng ti kumpirmasyon da sigud a President Rodrigo Duterte ken Joseph Estrada para iti attendanceda iti State of the Nation Address (SONA).
Nu pay kasta, awan ti deadline para iti panagkumpirma iti attendace dagiti Very Important Persons (VIPs) a pakairaman dagiti sigud a Presidente ken bise presidente.
