Patien ni Interior and Local Government Secretary Jonvic Remulla nga agtaltalinaed idiay Lisbon, Portugal ni sigud nga Ako Bicol Partylist Representative Zaldy Co, ken mapapati nga aglemlemmeng iti uneg ti maysa a “gated community.”
Sigun kenni Remulla, saan a kaskarina a maserrek ti nasao a “gated community,” gaputa mapapati a ti lugar ket para laeng kadagiti bilyonaryo.
Dinakamat pay ti opisial a lapped ti kaawan ti extradition treaty ti Pilipinas ken Portugal, ken ti damag a mapapati nga addaan iti iggem ni Co a Portuguese passport.
Maipalagip nga idi Nobiembre 2025, nangiruar ti arrest warrant ti maseknan nga otoridad kontra kenkuana ken dadduma, karaman ti sumagmamano nga opisial iti Department of Public Works and Highways (DPWH) ken dagiti direktor iti Sunwest Corp., seknan iti anomalya kadagiti flood control project.
