--Ads--
Nagkiddaw ti dispensar ni sigud nga Ako Bicol Representative Zaldy Co kadagiti Pilipino ken iti pamiliana.
Maibasar iti maikatallo nga statement ni Co nga inruarna idi Domingo, Nobiembre 16, kinunana nga inaramidna laeng nu anya ti naibilin kenkuana.
Nupay kasta, impettengna a nakasagana daytoyen a sangwen ti amin.
Impeksana pay nga awan ti naalana a kuarta.
Sigun kenni Co, dimmalan laeng kenkuana ti kuarta tapno maipatulod kada President Ferdinand Marcos Jr. ken sigud a House Speaker Martin Romualdez.
Maipalagip nga immuna a pinaglibakan ni House Speaker Martin Romualdez dagiti alegasion ni Co bayat nga inawagan met ti Malacañang dagiti akosasion ni Co kas hearsay nga awan ti basaranna.
