Impeksa ni sigud nga Associate Justice Antonio Carpio a rumbeng itan a maipasa ti linteg kontra dinastia.
Daytoy ket gaputa adun ti political dynasties iti Kongreso ken local government units ken ti ‘patent abuse of discretion’ dagitoy a clans.
Ni Carpio ti lead convenor ti 1Sambayan Coalition, maysa kadagiti grupo a nangipila iti petision a mangkidkiddaw iti Korte Suprema (SC) a mangibilin iti Kongreso a mangipaulog iti linteg kontra kadagiti dinastia ti politika.
Nadakamat iti petision ti Article II, Section 26 ti 1987 Constitution, a nakalanad a ti “the state shall guarantee equal access to opportunities for public service and prohibit political dynasties as may be defined by law.”
“The passage of time [of the 1987 Constitution] is 38 years now; more political dynasties in Congress (about 80%) and LGUS (50%); increasing pork barrel in annual budget enacted by Congress. The grave abuse of discretion is clearly patent now.”
Idi 2013, pinaglibakan ti Korte Suprema ti petision nga impila ti maysa a grupo nga indauloan ni sigud a President Teofisto Guingona Jr. ken ti senatorial candidate Ricardo Penson a mangkidkiddaw iti Kongreso a mangipaulog ti anti-political dynasty law, a nangdakamat ti “separation of powers” ti judicial ken legislative branches.
Na-dismiss metlaeng ti agpada a petision nga impila ni businessman Louis Biraogo gapu iti kinakurang ti “merit.”
