Nakasagana ni sigud nga Speaker Ferdinand Martin Romualdez a sangwen ti anya man a reklamo manipud iti Office of the Ombudsman, mainaig iti naanomalyaan a flood control projects iti pagilian.
Sigun kenni Atty. Ade Fajardo, nakasagana ni Romualdez a sumango iti proseso ngem awan ti pammanenek wenno ebidensiya kontra kenkuana mainaig iti naanomalyaan a flood control projects.
Innayon ni Fajardo a no awan ti partisipasyon ti masya nga indibidual iti flood control scam, namnamaenna nga awan ti anyaman nga ibedinsya.
Maipalagip nga immuna a kinuna ni Ombudsman Jesus Crispin Remulla a dandanin ti pannakaileppas ti fact-finding investigation kontra kenni Romualdez.
Innayon pay ni Remulla nga asidegen dagitoy para iti preliminary investigation ti nasao a kaso.
