--Ads--
Narekober dagiti awtoridad ti sangapulo ket maysa a sako ti marijuana bricks a naabandona idiay Tinglayan, Kalinga idi Enero 21, 2026.
Nakaawat iti impormasyon ti Tinglayan Municipal Police Station ken ti 2nd Provincial Mobile Force Company, Kalinga Police Provincial Office maipapan iti naabandona a marijuana bricks nga agdagsen iti 217 kilograms ken aggatad iti P26 million.
Sigun kadagiti awtoridad, inabandona dagiti suspek dagiti iligal a droga tapno makaliklik iti posible a pannakatiliw dagitoy.
Manarimaan ita ti naing-inget nga imbestigasyon dagiti awtoridad tapno mabigbig dagiti suspek pakairamanan dagiti posible a drug networks nga ag-op-operate iti rehiyon Cordillera ken kadagiti kabangibang a lugar.
