BAGUIO CITY – Namingsan manen a tinakderan ti kampo ti Engr. Melchor Licoben a daytoy ti General Manager ti BENECO gaputa daytoy ti dinurukan dagiti Board of Directors (BOD) ti kooperatiba.
Iti naangay a presscon ti kampona, kinuna ni Atty. Jose Molintas a nasken a marespeto ti nagbalin a desisyon ti BOD ti kooperatiba ken no adda ti isyu ditoy ti kampo ni Atty. Ana Marie Rafael ket agipilada ti kaso iti korte.
Isingsingasing met ni sigud a City Prosecutor Rene Masongsong nga ag co-sign lattan da Engr. Licoben ken Atty. Rafael kas general managers ti kooperatiba tapno saanen a kumaro ti sitwasyon ken para metlaeng kadagiti member-consumers.
Nupay kasta, impetteng ni BOD president Atty. Esteban Somngi a saan a mabalin ti singasing ni Atty. Masongsong nga ag-co-sign ti dua gaputa mangitunda laeng iti ad-adda a dagitoy gaputa mangitubda laeng iti panakariro.
Kinunana pay a saan metlaeng a mabalin no dua ti agtugaw a General Manager ti kooperatiba.
