Naaprobaranen iti umuna a pannakaibasa iti Baguio City Council ti maysa a singasing nga ordinansa a mangguygoyugoy iti amin iti parapubliko ken pribado a pagadalan a mangipatungpal iti gender-inclusive ken gender-neutral a polisia iti uniporme.
Panggep iti singasing nga ipaayan dagiti estudiante iti waya-waya nga agpili iti maaprobaran nga uniporme aniaman ti gender dagitoy, kagiddan ti panangital-o da iti patas, inclusivity, ken panangipawil iti diskriminasion.
Naipawil metlaeng iti nasao a singasing ti aniaman a diskriminasion, panagbully, wenno pannusa kontra kadagiti estudiante gapu iti pinilida nga naaprobaran nga uniporme.
Maidagdagadag metlaeng kadagiti pagadalan a mangisayangkat iti konsultasyon kadagiti stakeholder sakbay a baliwan dagiti polisiada iti uniporme.
Maaddaan metlaeng iti information campaign iti City Council tapno maipakaamo ti gender sensitivity ken inclusivity.
Ti panangipatungpal iti ordinansa ket idaulaon iti CSWDO, CHRMO, ken City Gender and Development Focal Point System, kaduada ti DepEd, CHED, TESDA, ken educational institution.
Dagiti pagadalan a manglabsing iti ordinansa ket mabalin a mapatawan iti ballaag, multa, ken dadduma pay a maitutop a tignay.
Ti singasing ket naaprobaran iti umuna a pannakaibasana idi Hunio 22, 2026 ken maad-adal paylaeng iti Committee on Education.
