Impablaak iti Benguet Electric Cooperative (BENECO) a ngumato ti singir iti kuryente ita a bulan iti Hunio 2026 kasaruno iti panagngato iti generation costs.
Ngimmato iti ₱1.9409/kWh ti overall rate, manipod iti ₱9.7041/kWh idi Mayo paturong iti ₱11.6450/kWh ita a Hunio. Katukad daytoy iti agarup ₱194 a kanayunan a bayadan iti maysa a konsumer nga agkonkonsumo iti 100 kWh.
Sigun iti BENECO, kangrunaan a rason ti panagngato iti presio iti Wholesale Electricity Spot Market (WESM) ken iti bilateral rate iti Therma Luzon, Inc., a pinakaro pay iti kinakurang iti suplay iti kuryente iti Luzon ken panangato iti coal prices.
Inlawlawag metlaeng iti kooperatiba a ti generation charges ket “pass-through” ken saan a mapmapan iti BENECO, bayat nga agtaltalinaed a saan nga agbalbaliw ti distribution charges dagitoy manipod pay idi tawen 2009.
Ginuyugoy iti BENECO dagiti konsumer nga agtipid iti kuryente tapno makatulong iti panangimanehar iti gastos ken stability iti power supply.
