Nakasagan ti siudad ti Baguio para iti mapadpadaanan a Grand Opening Day ti Panagbenga 2025 inton bigat.
Para ita a tawen, addaan daytoy iti tema a “Blossoms beyond boundaries.”
Iti panakiuman ti Bombo Radyo kenni Engr. Bonifacio Dela Peña, City Administrator iti siudad, kinunana a maaw-awis ti publiko a makipaset iti daytoy kasta met ti panagsuportada iti umuna nga aldaw ti Panagbenga gapu ta daytoy ti “patikim” iti nasao a piyesta.
Daytoy ket malaksid iti higlight ti nasao a selebrasyon a Grand Street Dance Parade ken Grand Floral Float Parade a maangay inton Pebrero baente dos ken baente tres.
Malaksid iti dayta, maimatangan met laeng dagiti nagduduma a landscapes kasta met dagiti nagduduma nga attraksyon ken dagiti daduma nga aktibidad a nakalinya .
Impasigurado met ni Dela Peña a nakasagana dagiti pulis para iti panakaipasigurado ti linak ken kappia nga idadauloan ni BCPO City Director Police Colonel Ruel Tagel.
Iti sabali a bangir, awan met unay ti epekto ti dua a kaso ti mpox a nailista iti siyudad bayat a nakasagana ti siudad iti kanito a mailista manen ti nasao a sakit.
Ngem, nacontain metten dagiti dua a sakit ken naipatungpal ti contact tracing.
Naipalagip met iti publiko ti panangliklik dagitoy iti physical contact wenno ti panangipatungpal iti preventive measures tapno maliklikan ti sakit a monkeypox.
