Nakikaykaysa ti lokal a gobierno ti siudad ti Baguio iti panangrambak iti 2025 National Women’s Month a naangay iti Baguio Cultural and Convention Center.
Iti nasao a selebrasyon, napasamak ti parada a nangrugi manipud Convention Center paturong Malcom Square.
Daytoy ket nakipasetan dagiti nagduduma nga opisyales a kas ken da Baguio City Congressman Mark Go, Baguio City Mayor Benjamin Magalong, Chairman ti committee on Social Services, Woman and Urban Poor a ni Councilor Elmer Datuin, ken dagiti dadduma pay nga opisial.
Nagserbi met kas Guest of Honor ken keynote Speaker ni Dr. Moeko Saito-Jensen.
Ni Dr. Saito-Jensen ket maysa nga United Nations Development Program (UNDP) project manager, ken maysa nga eskperto ti Environmental Policy and Management, ken doctoral degree holder iti Natural Resource Management (NRM)manipod iti University of Copenhagen.
Kabayatanna, napadayawan dagiti outstanding women leaders iti Baguio City kabayatan ti International Women’s Day.
Dagitoy ke da Milagros Ari Rimando a nabigbig gapu iti kontribusyonna iti Peace and Order; Jingle Melanie Ku- Marquez gapu iti kontribusyonna iti Health and Wellness ; Vicky Macay gapu iti kontribusyonna iti Indigenous People ken Easter Wahayna- Pablo gapu iti kontribusyonna iti Literacy.
