Timmulong ti siudad ti Baguio iti panangasistar kadagiti mannalon ti probinsya ti Benguet kagiddan iti agtultuloy a panagbaba ti presyo ti natnateng gapu iti oversupply.
Sigun kennni Baguio City Mayor Benjamin Magalong, agtultuloy ti direkta a panagpurchase ti siudad kadagiti mannalon tapno makatulongda kadakuada.
“We have been doing a lot to help our farmers. Just two weeks ago, we purchased around two tons of vegetables and distributed them to communities,” inwaragawag ni Mayor Magalong.
Innayon daytoy a nakikoordinarda kadagiti miyembro iti League of Municipalities, League of Cities, ken Mayors for Good Governance tapno guyugoyen dagiti lokal a gobyerno iti pagilian a direkta a gumatang kadagiti Benguet farmers.
Impakaaamona a sumagmamano metlaeng a grupo ken local officials ti nakikoordinar kenni Department of Agriculture- Cordillera Regional Director Jennilyn Dawayan ken dadduma nga organisasyon tapno mangidaulo iti direct purchase kadagiti nateng.
Sigun pay kenni Mayor Magalong, personal metlaeng daytoy a gumatgatang ti nateng kadagiti mannalon ti Benguet no sadino iwarwarasna kadagiti pappamilya nga agkasapulan pakairamanan ti komunidad idiay Taguig City.
Mainaig iti dayta . . .
Imbinglay ti Baguio City Mayor Benjamin Magalong a bimmisita iti siudad ti Baguio ti sumagmamano a Department of Agriculture officials, pakairamanan da Undersecretary Arnel de Mesa ken Assistant Secretary Daniel Alfonso Atayde tapno kitaenda ken talantanenda dagiti programa tapno ma-addressan ti price instability ti highland vegetables.
Sigun kenni Mayor Magalong, nangilatag ni Agriculture Secretary Francisco Tiu Laurel Jr., ti long term a plano tapno mapasayaat ti price stability iti vegetable sector.
Sigun kenkuana, adda ti nasayaat a plano a pangpanggepen ni Secretary Laurel, Jr. seknan iti nasao nga isyu. //bombokaren.c.sapirao
