Agtaltalinaed paylaeng a ‘fully submerged’ dagiti siyam a lugar idiay Camarines Sur gapu paylaeng iti severe tropical storm.
Sigun kenni President Ferdinand ”Bongbong” Marcos Jr., siyam a lugar ti fully submerged bayat nga innem met a lugar ti partially submerged iti metlaeng nadakamat a lugar.
Gapu iti dayta, imbilin ti Presidente ti dagus a pannangipaay iti taraon wenno dagiti relief goods.
Impasiguradona met ti airlift capability iti nasao a probinsya para iti pangipaay iti taraon ken agas sadiay.
Kinunana met a makikikoordinar pay dagitoy kadagiti local government units sadiay para iti dagus a panagresponde.
Nupay kasta, sigun kenni Social Welfare and Development Secretary Rex Gatchalian ti maysa met a kangrunaan a pakaseknan dagiti residente sadiay ket ti suplay ti danum kasta metten ti suplay ti petrolyo.
