Nagpalagip ni John Rhey Mananeng, Sangguniang kabataan Federation President iti siudad ti Baguio kadagiti amin a makipaset iti rally inton bigat iti siudad ti Baguio.
Iti panakiuman ti Bombo Radyo kenkuana, kinunana a ti nasao a rally ket pakipasetan dagiti agarup 42 a nagduduma a grupo iti siudad ti Baguio ken kadagiti nagduduma a lugar.
Sigun kenkuana, saan a mapabasol dagiti agtutubo nga agunget gapu iti nakaro a korapsyon iti pagilian.
Kinunana pay a saan a maipawil ti panagrally agsipud ta freedom of expression daytoy ket paset metlaeng daytoy iti youth participation no sadino kayatna a sawen nga ammo dagiti agtutubo ti mapaspasamak iti aglawlawda.
Impettengna a dagiti agtutubo ket pride movers of today rason a panpanunuten dagitoy ti masakbayanda.
Inyebkasna a saan laeng a crowd rally daytoy no diket panggepda nga ipukkaw dagiti pakaseknanda tapno mariing dagiti gobierno iti mapaspasamak a korapsyon.
Nupay kasta, nagpalagip daytoy nga ipangpangruna ti seguridad ti tumunggal maysa tapno awan ti kinaranggas a mapasamak ken nasken nga agridam iti aglawlaw nangruna ket adu dagiti makipaset iti daytoy.
