BAGUIO CITY – Maangay ti Sangguniang Kabataan (SK) National Convention 2019 ditoy siudad ti Baguio.
Nangrugi daytoy ita nga aldaw ti Biyernes April 26 agingga inton Dominggo, April 28.
Idauluan daytoy ti National Youth Commission ken pasetan dagiti presidente dagiti pederasyon dagiti SK iti nagduduma a paset ti pagilian.
Panggep ti convention a maigiya dagiti partisipante no kasano a ma-access dagitoy ti pondo ti SK.
Bigbigenda met dagiti nagduduma a pagalagadan ken paka-ammo wenno pammilin ti National Youth Commission ken dadduma nga ahensia.
Makiddaw pay ti singasing dagitoy iti posible a panaka-amyendar ti SK Reform Act of 2015 para iti ad-adu pay a benipisyo dagiti opisyales ti SK ken maiyunay-unay ti nagduduma nga akem dagiti agtutubo iti nagduduma a nation-building initiatives ti nasyonal a gobyerno.
