BAGUIO CITY – Nakumpiskar dagiti otoridad ti shipment ti smuggled fresh carrots iti Manila Harbor Port idi kalman.
Sigun iti Bureau of Customs, nagtaud ti shipment manipud China nu sadino naideklara daytoy kas chocolates tapno makastrek iti pagilian.
Nupay kasta, nakaawat ti Bureau of Plant and Industry (BPI) iti tip a nangitunda iti panangsukimat da iti nasao a shipment.
Saan met a nadakamat iti report ti kaado ken gatad dagiti nakumpiskar a carrots.
Sigun iti BOC, maidalan ti shipment iti seizure ken disposal proceedings gapu iti panaglabsing iti Customs Modernization and Tariff Act, BPI-National Plant Quarantine Service’s Rules and Regulations for the Importation of Plant products, ken ti Republic Act No. 10845 wenno ti “Anti-Agricultural Smuggling Act of 2016.”
Iti kaudian a monitoring ti Department of Agriculture, P120 ti retail price ti tunggal kilo ti carrot iti Metro Manila markets.
Maipalagip nga idi Marso ket sumagmamano kadagiti carrot farmers sadiay Benguet ti napilitan a mangidonate iti apit da gapu kadagiti smuggled carrots iti local markets.
