Nagbalinen a linteg idiay Australia ti panakaipawil iti panagaramat iti social media wenno ti social media ban kadagiti ubbing nga agtawen iti 16 agpababa kas napagnunumwan iti House of Representatives ken Senado sadiay idi laeng kalman, November 29, 2024.
Dagiti social media palforms a saklawen ti nasao a paglintegan ket ti TikTok, Facebook, Snapchat, Reddit, X, ken ti Instagram nu sadino, mabalin a mamulta dagiti mangimatmaton kadagitoy iti agingga 50 million Australian dollars kaspangarigan saanda a mapawilan dagiti ubbing a mangaramid kadagiti accounts dagitoy.
Sigun kenni Australian Prime Minister Anthony Albanese, makatulong ti nasao nga addang kadagiti nagannak a maal-alarma iti risgu a mabalin nga ipaay ti panagaramat ti social media kadagiti annakda.
Impetteng ni Albanese a responsibilidad itan dagiti nadakamat a platforms ti panangsigurado iti pagsayaatan dagiti ubbing.
Ti Australia ti kaunaan a pagilian a nangipasa iti nasao a linteg.
Nupay kasta, sumagmamano kadagiti kritiko ti mangkweskwestion iti daytoy bayat a sumagmamano met kadagiti social media firms iti nangbabalaw ken saan nga immanamong iti daytoy.
