Mapasamak intun bigat Abril a otso ti solar eclipse partikular iti sumagmamano a paset ti lubong partikular iti Mexico, Estadus Unidos, makindaya a paset ti Canada, ken pagilian a Pilipinas.
Nu pay kasta, sigun iti state weather bureau, saan a maimatangan daytoy iti pagilian agsipudta masamak daytoy iti rabii ti nasao nga aldaw.
Masaksian dagiti makapadas iti solar eclipse ti temporario a kinasipnget gapu iti panagtunos ti init ken bulan.
Sigun kenni Nico Mendoza, Astronomer ti Philippine Atmospheric, Geophysical and Astronomical Services Administration mapaspasamak ti solar eclipse ti uppat a daras iti makatawen.
Impaganetget met ti nasao nga opisyal iti publiko a saan a pudno ti agwarwaras iti social media, maipapan iti tallo nga aldaw a kinasipnget mangrugi intun bigat Abril a otso iti agdama a tawen.
Kabayatanna, manamnama a mapasamak manen ti total solar eclipse iti pagilian a Pilipinas inton Aprill 20, 2042, ken maimatangan manipud Legazpi City, sigun iti PAGASA.
