Balligi a naipatungpal ti solidarity pact signing iti syudad ti Baguio ita nga aldaw nga indaulwan ti Commission on Elections.
Nakipasetan daytoy dagiti dadaulo ti Armed Forces of the Philippines, Department of Interior and Local Government, Department of Education ken dagiti personnel iti Baguio City Police Office.
Ti solidarity pact signing wenno solidarity pledge ket ti panagsapata dagitoy para iti pannakamintiner ti linak ken kappia seknan iti 2025 national ken local elections ken ti Bangsamoro Autonomous Region in Muslim Mindanao Parliamentary Election .
Malaksid iti dayta, ti solidarity pledge ket sapata a mangsalaknib ti santity dagiti balota a maaramat iti eleksyon.
Sigun kenni atty. John Paul Martin amin nga indibidual ket addaan iti importante a nga akem inton eleksyon.
Innayunna pay a saan laeng a dagiti law enforcers ken stakeholders dagitoy no diket naurnung dagitoy a mangbantay iti demokrasiya nangnangruna ta ti eleksyon, ket isu ti mangtesting ti pigsa ti democratic values.
Malaksid iti dayta, impeksana pay a masapul a mapapintas ti syudad ti Baguio ket adaan iti naidumduma nga eleksyon.
Iti sabali a bangir, impetteng pay ni Atty. Martin a nakasaganan dagitoy para iti mapadpadaanan nga eleksyon
Nupay kasta impeksana a narigat a mamintenir ti linak ken kappia ita nga eleksyon ngem babaen iti tulong ken koordinasyon dagiti botante ken dagiti kandidato ket mamintenir ken agtalinaed ti linak ken kappia.//Bombo Noveh Organo
