Nainget a binabalaw ni House Speaker Faustino “Bojie” Dy III ti Department of Budget and Management (DBM) gapu iti nabuntog a panangiparuwar daytoy ti pundo a mangituntunda iti delay kadagiti napapateg a serbisyo para iti publiko.
Iti mensahe ni Dy sakbay iti panagleppas ti Kamara para iti Lenten break, ginuyugoy ni Dy ti Department of Budget and Management (DBM) a papartaken dagitoy ti prosesoda tapno maipatumpal a dagos dagiti programa ti gobyerno.
Impetteng pay daytoy nga araramiden ti Kongreso dagiti trabaho daytoy a mangipila kadagiti linteg a mapundoan ngem napateg met laeng ti dagos a pannakaiyemplementar dagitoy tapno maibaga nge epektibo dagitoy.
Innayonna pay nga awanton kaes-eskanna dagiti linteg nu saan a dagos a maiyemplementar ken maipaay kadagiti Pilipino.
Inlawlawag daytoy a ti kayatna a puntosan iti mensahena ket ti panangawagna iti adadda a naururnos a koordinasyon ken naparpartak a panangipaay ti tulong kadagiti umili. //BomboKCS
