![](https://img.bomboradyo.com/baguio/2021/02/PANGASINAN.jpg)
BAGUIO CITY – Nabukel ti maysa a Special Investigation Task Group tapnu tumulong ti imbistigasyon iti napasamak a pammaltog iti maysa a kameng ti SWAT Baguio sadiay Pangasinan
Maipalagip a pimmusay ti maysa a pulis a miembro ti Special Weapons and Tactics team ti Baguio City kalpasan a pinalpaltogan ti saan pay a nabigbig a suspek sadiay Poblacion, Sual, Pangasinan idi kalman.
Nabigbig ti bikitma a ni PCpl. Reynald Reyes, 29-anyos, ken residente ti Poblacion, Anda, Pangasinan.
Maibasar iti damag, nakaawat iti Sual Police iti report mainaig iti maysa a vehicular traffic accident
iti panagresponde dagiti first aiders, nakumpirmar ti pammaltog iti biktima a pulis kasaruno iti panakatnag ti dua a basyo ti bala ti saan pay a nabigbig a kalibre ti paltog idi inikkatda iti helmet ti biktima
iti panagsukimat pay dagitoy, naduktalan a nakapasar ti biktima iti dua a tama ti paltog partikular iti ulo ken tengngedna.
dagus met a naitaray daytoy iti pagagasan ngem naideklara a daytoy a pimmusay
Maibasar pay iti damag, kalkalpas laeng ti break ti nasao nga pulis ken paturong koma daytoy ditoy siudad tapnu agsubli iti duty ngem napasamak ti nasao nga insidente.
iti agdama, manarimaan paylang ti imbinstigasyon dagiti otridad para iti pakabigbigan ken motibo iti nasao a krimen.