BAGUIO CITY – Manarimaan ti panakaisayangkat ti special registration kadagiti Persons With Disabilities (PDW) iti City Hall ita nga aldaw.
Iti panakiuman ti Bombo Radyo kenni Atty. John Paul Martin, Election Officer ti Commission on Elections – Baguio, inlawlawagna a nupay maipangruna dagiti persons with disabilities iti nasao nga aktibidad, iyakomodarda metlaeng dagiti siasinoman a mangkayat nga agparehistro.
Sigun kenni Atty. Martin, naikoordinar ti nasao nga aktibidad iti Persons With Disability Affairs Office – Baguio nu sadino naplano daytoy idi pay napan a bulan rason nga adu ti nakipaset a Persons With Disabilities.
Immuna metten a naisayangkat ti offsite registration para kadagiti Senior Citizens.
Maguyguyugoy ladta dagiti saan pay a nakapagparehistro nga agturongda kadagiti site a mabalin a pagparehistroan.
Kabayatanna, maangay met inton bigat ti special registration para kadagiti Persons Deprived of Liberty.//Bombo Rob Dominguez
