Impetteng ti Malacañang nga adda kadagiti Senador no dumar-ayda iti special session intun Mierkules, June 17, 2026.
Daytoy ti kinuna ni Palace Press Officer Claire Castro kalpasan nga inawagan ni President Ferdinand Marcos Jr. ti Kongreso iti special session.
Sigun kenni Palace Press Officer Castro, saan nga ammo no anya ti agpayso a situasion iti Senado.
Nupay kasta, kinunana a kayat ti presidente a maurnos ti Senado gaputa kasapulan nga agtrabaho dagitoy.
Inyunay-unay ni Atty. Castro nga inaramid ni President Marcos Jr. ti obligasionna ken adda kadagiti senador no agtumpalda.
Maipalagip a nangipaulog ni President Marcos Jr. iti Proclamation 1318 idi Lunes, June 15, 2026.
Panggep daytoy a mangidagadag iti Kongreso a mangisayangkat iti special session iti baet ti sine die adjournment.
Kabayatanna, impeksa ni Atty. Castro a saan a daytoy ti umno a panawen para iti panagsisina ti puersa ti Kongreso.
Nangruna ita nga adda dagiti karit iti uneg ken ruar ti pagilian a mangpadpadas iti kinatibker dagiti Pilipino.
