Opisyal a naiyuswat ti Spring Festival Celebration ita a Year of the wood snake iti Baguio City Hall Grounds iti oras ti alas otso idi laeng agsapa.
Pinasetan daytoy da Baguio City Mayor Benjamin Magalong, Presidente ti Baguio Filipino Chinese Community Peter Ng, ken dadduma pay nga opisyal iti siudad.
Adda metten dagiti nakapila nga aktibidad para iti nasao a selebrasyon pakaraimanan ti Media Fellowship Night ken ti Little Chinatown sadiay Session Road inton Enero 22 ken ti Barangay gift sharing sadiay Middle Quezon Hill covered court inton Enero 24.
Ti highlight iti nasao a selebrasyon ket ti Grand Colorful Parade a mangrugi sadiay Upper Session Road Main paturong iti Melvin Jones Grandstand inton Enero 30.
Kagiddan dayta, pinagyamanan ni Peter Ng ti Presidente ti Baguio Filipino Chinese Community dagiti opisyal iti siudad babaen iti pananginayonda iti Spring Festival kas maysa kadagiti kangrunaan a selebrasyon.
Kabayatanna,naideklara nga awan ti klase kadagiti amin a lebel kadagiti parapubliko ken pribado a pagadalan iti siudad ti Baguio kas pannakikaykaysa iti Chinese Lunar New Year Grand Colorful parade.
