Opisyalen a naipasidung ti Munisipyo ti La Trinidad iti State of Calamity gapu iti panagdalapus dagiti bagyo ken habagat kadagiti napalabas nga aldaw.
Daytoy ket naideklara babaen iti Sangguniang Bayan Resolution No. 374-2026 ken Municipal Disaster Risk Reduction and Management Council (MDRRMC) Resolution No. 5-2026.
Nakapadas ngamin ti nasao a munisipyo kadagiti landslides ken panaglayos nga intunda ti agtultuloy a panagtudtudona no sadino naapektaran ti pakabuklan a panggedan ti lokalidad.
Sigun iti lokal a gobyerno ti La Trinidad, dumanonen iti P78.4 Milyon ti gatad dagiti nadadael agingga laeng iti Agosto 12 kadagiti public ken pribado nga imprastraktura ken iti sektor ti agrikultura.
Kabayatanna, agarup 837 met a mannalon ken 104 a pamilya ti naireport nga apektado.
Kagidan dayta, apektado metlaeng ti nasao a munisipyo iti African Swin Fever no sadino, agarup P464,000 ti napukaw dagiti hog raisers.
Gapu kadagiti nadakamat a sitwasyon, naideklara ti State of Calamity iti nasao a munisipyo no sadino maipaayen ti Quick Response Fund (QRF) daytoy ken maipatungpal ti price freeze kadagiti kangrunaan a gagatangen kasta metten a dagos a maaddressan dagiti rehabilitation ken recovery iti nasao a munisipyo. //kcs//
