Indeklara ni President Ferdinand Marcos Jr. ti state of national energy emergency ita laeng nga aldaw, March 24, 2026.
Babaen daytoy iti bileg ti Executive Order (E.O.) No. 110 nga addaan panggep a solusyonan ti pangta iti suplay ti enerhiya iti pagilian kasaruno metlaeng ti panangibilang ti Department of Energy(DOE) a kritikal itan ti sitwasyon.
Gapu ta agang-angkat ti Pilipinas iti produkto a petrolyo, maysa daytoy kadagiti maap-apektaran iti agtultuloy a tension idiay Middle East a kadawyan a pagtataudan ti nasao a commodity nangruna ket nagrekep ti Strait of Hormuz a kangrunaan a ruta dagiti kargo.
Kagiddan dayta,imbilin ti presidente ti panang-adaptar iti Unified Package for Livelihoods, Industry, Food, and Transport(UPLIFT) kadagiti amin nga apektado a sektor tapno maksayan ti epekto ti krisis iti publiko.
Agserbi daytoy nga opisyal a whole-of-government response framework tapno masigurdo nga agtultuloy ti panakaipaay ti serbisyo partikular kadagiti sektor a nakaro a maap-apektaran.
Kabayatanna, manamnama nga agepektibo ti nasao a pammilin iti las-ud ti makatawen depende iti agbalin a pangngeddeng ti presidente iti mapasamak iti daytoy.
