Naragsak nga impakaammo ni La Trinidad Mayor Roderick Awingan a saan a nalayos ti Strawberry farm pakairamanan dagiti landslides prone areas iti masakupanna a munisipyo bayat ti bagyo nga Uwan.
Iti panakiuman ti Bombo Radyo kenkuana, kinunana a dakkel ti panagyamanna iti nagtitinulong a kooperasyon dagitoy isu’t gapuna a napintas ti resulta daytoy.
Kinunana a sakbay ti panagsangpet ti bagyo nga Uwan ket nangipatungpalda iti preemptive ken force evacuation no sadino pakabuklan iti 265 nga indibidual wenno 67 a pamilya manipud Ambiong, Puguis, Alapang ken Pico ti nagbakwit.
Iti baet dayta, nakasaubli metten dagitoyen kadagiti bukodda a pagtaengan.
Kagiddan dayta, inyebkasna ti panagyamanna kadagiti amin nga otoridad, volunteers ken umili iti tulong ken kooperasyonda sakbay ken bayat ti panagduprak ti bagyo nga Uwan.
Kinunana a napaneknekan manen ditoy ti kampanya-da a bayanihan.
Innayonna met a nagrikus metlaeng dagitoy kadagiti 16 a barangays sadiay kalpasan ti bagyo tapno agbisita kadagiti nasao a barangay.
