Pimmusay ti innem a ganggannaet idi limned ti submarine a nagluganan dagiti turista a Russian iti Egyptian Red Sea resort ti Hurghada.
Daytoy ket kinumpirmar ti opisina ti gobernador.
Ti submarine a napanaganan ti “Sindbad” ket adda kargana nga uppat a pulo ket lima a Russian tourists pakairamanan dagiti “crew members.”
Kaaduan kadagitoy ket naispal ken naiturong kadagiti “hotel” ken pag-agasan idiay Hurghada, sigun iti Russian consulate idiay Hurghada.
Ti Red Sea a nalatak gapu kadagiti coral reefs ken marine life, a kangrunaan a sentro para iti napateg nga industria ti turismo ti Egipto, a dagiti turista a Russians ket umad-adu ti pasetda.
Maipalagip nga idi Nobiembre idi napalabas a tawen, nalned ti uppat nga indibidual manipod iti tallo pulo ket tallo a naispal idi natamaan ti bangka a nagluganan dagiti turista gapu iti napigsa ken nangatao a dalluyon, sigun iti Environment Ministry.
