--Ads--
BAGUIO CITY – Kidkidawen dagiti mannalon ti Benguet manipud iti Department of Agriculture-Cordillera ti panakainayun ti succulents ken potted plants iti livelihood ti cutflower industry ti probinsiya.
Sigun kenni Andy Colte, dadaulo ti La Trinidad Cutflowers and Ornamental Growers Association, nabayagen a tarigagayda a mainayon dagiti nasao a mula iti programa ti gobyerno.
Kinunana a dakkel ti naipaay a tulong dagiti succelents ken potted plants gaputa nagserbi daytoy a livelihood dagiti dadduma a mannalon kabayatan ti pandemya.
Kagiddan iti daytoy, nangipatulodda iti request letter tapno maidanun ti arungaing dagitoy iti namnama nga aprubaran ti ahensiya nga agbalin kas livelihood daytoy nangruna ta agtultuloy paylaeng ti pandemya.
