Kukuestiunaran ti Department of Transportation dagiti sumagmamano a driving schools iti siudad ti Baguio a nakapagpagraduar iti nasurok 100 nga studyante ti maysa laeng a bulan.
Sigun kenni PBGen. (RET) Glenn Dumlao -Regional Director ti Department of Transporation agarup 150 agingga 160 nga estudyante dagiti agturturpos iti maysa a driving school tunggal bulan.
Daytoy a numero ket questionable nangruna ta adda dagiti karaman iti vehicular traffic accident nga awanan iti licensya.
Kinunana nga adda man dagiti adaan ti licensya ngem nu maimbestigaran dagitoy ket adda dagiti saan a dimmalan ti umno a proseso.
Inaklon metlaeng dagiti sumagmamano a driving school nga adda dagiti saan a dimmalan iti umno a proseso kas iti kabayag ti panagseminar dagitoy gapu ta adda dagiti law enforcers a mangpadpadaras iti proseso gapu laeng iti kwarta.
Kagiddan dayta, kinuna ni Dumlao a saan a narigat ti mangiproseso no 40 ti bilang dagiti estudyante dagitoy rason a saan a rumbeng nga ishort cut-da daytoy.
Patienna metlaeng a maysa kadagiti rason no apay nga adu dagiti mapagraduar nga estudyante ket gapu iti resolution a naisumitir idi seknan iti increase of cap.
Kabayatanna,addan metten ti maysa a driving school a naipaayan ti show cause order manipud iti national level ket mangnamnama pay dagitoy nga adu pay ti maiyulog a showcause order kadagiti driving schools nga aglablabsing iti proseso.//Bombo Noveh Organo
