Fully booked itan dagiti sumagmamano a hotel accomodations iti siudad ti Baguio kagiddan ti agtultuloy a panagsangpet dagiti turista ita holiday season.
Iti pannakiuman ti Bombo Radyo kenni Andrew Penero, spokesperson iti
Hotel & Restaurant Association of Baguio, kinunana a dadduma met kadagiti hotels iti siudad ket in-inut metten a mapunpunno.
Sigun kenkuana, agtultuloy latta ti panagsangpet dagiti turista iti siudad gapu paylaeng kadagiti napipintas nga aktibidad, dagiti tourism destinations kasta metten ti nalamiis a klima.
Gapu iti dayta, dakkel a tulong daytoy iti tourism industry iti siudad.
Nupay kasta, agbalbalin met a parikut iti siudad ti nailet a gunay ti trapiko kadagiti kalkalsada rason a kinunana a pangpanggepen dagitoy a gumatang pay iti kanayunan a bus tapno iti kasta ket dagitoyen ti mangsundo kadagiti custumers-da nga agbook kadagiti hotels dagitoy.
Malaksid iti dayta, adda metten dagiti lugan dagiti dadduma a hotels iti siudad nga ar-aramaten dagitoy a mangipasyar kadagiti custumers dagitoy kadagiti nagduduma a tourist destinations iti siudad ti Baguio ken iti probinsya ti Benguet.
Mainaig iti dayta, impasigurado met daytoy ti seguridad dagiti taraon a maidasdasar kadagiti hotel and restuarants iti siudad agsipud ta kanayun met a mamonmonitor daytoy.
Impasiguradona metlaeng ti seguridad dagiti agbook a custumers dagitoy no sadino adda met dagiti CCTV a naimuntar kadagiti nagduduma a hotel accomodations ken adu met dagiti securities nga agbanbantay.
Kabayatanna, nagpalagip manen daytoy kadagiti turista a sukimaten a nalaing dagiti hotel accomodations a pagbobook an dagitoy tapno maliklikan a mascam.
Inyunay-unayna metlaeng nga agpabook dagitoyen a nasapsapa sakbay a sumang-at iti siudad tapno sigurado nga adda ti pagdagusan dagitoy.
