--Ads--
Apektado dagiti kangrunaan a kalsada iti probinsiya ti Benguet ken Ifugao gapu iti mapaspasaran a Tropical Depression Luis ken Southwest monsoon.
Gapu iti dayta, one lane passable ti Baguio-Bontoc Road sadiay Caliking, Atok, Benguet.
Malaksid iti dayta, nangikabil ti Department of Public Works and Highways (DPWH) iti plastic barriers bayat nga agtultuloy ti panangiwanawan ken clearing operations ti ahensiya.
Mainaig iti dayta, one lane passable metlaeng ti Banaue-Hungduan-Benguet Boundary Road sadiay Abatan bayat nga agtaltalinaed a silulukat kadagiti motorista ti Hungduan kalpasan ti panagreggaay ti daga ken pannakatnag ti bato.
Kabayatanna, temporaryo a naiserra ti Kennon Road para kadagiti non-residents gapu iti agtultuloy a tudo.
