--Ads--
Naituding a maiparekep iti vehicular traffic dagiti sumagmamano a kalsada iti siudad ti Baguio manipud alas tres iti malem agingga alas syete iti rabii inton Pebrero baente uno, iti agdama a tawen.
Gapu iti dayta, maiparekep ti maysa a linya ti Session Road, Harrison Road, Jose Abad Santos Drive, ken Lake Drive.
Daytoy ket kas pannakikaykaysa para iti 120th Anniversary ti Baguio Country Club, Super Centennial Parade.
Kagiddan dayta, masuspindir met ti klase kadagiti amin a lebel iti agpada a parapubliko ken pribado a pagadalan manipud alas dose iti pangaldaw inton Pebrero baente uno metlaeng.
Gapu iti dayta, maal-allukoy ti publiko a makipaset ken agbuya iti nasao a parada.
