Kinumpirmar ti National Bureau of Investigation (NBI) nga agarup 15 a mannalon ti nangipila ti reklamo a land grabbing kontra kenni Atty. Harry Roque.
Sigun iti NBI, 15 kadagiti 20 a nagpresenta a complainants ti nangipaay iti sworn statements iti NBI-National Capital Region office. Nangipaay metlaeng dagitoy iti supporting documents dagitoy.
Iti nasao a reklamo, akakusaran dagiti mannalon ti maatap a pannakaitransfer ti parte ti daga a sakop ti Certificates of Land Ownership Award iti maysa a pribado a korporasyon nga adda pakainaiganna kadagiti personalidad nga adda pakainaiganna iti Philippine Offshore Gaming Operations pakairamanan ni Atty. Harry Roque.
Gapu ita dayta, rugianen nga imbestigaran ti nasao nga opisina dagiti nasao a reklamo. //bombokaren.c.s
