--Ads--
Impakaammo ti United Arab Emirates a pimmusay ti maysa nga indibidwal idiay Abu Dhabi ngem saandan a nangipaay ti dadduma a detalye seknan iti nasao a pasamak.
Konektado daytoy iti mapaspasamak a panag-atake iti nagbaetan ti Iran ken Estados Unidos.
Impakaammo met ti sumagmamano a pagilian ti Middle East a tinarget dagitoy ti Iran idi kalman kalpasan a nagkari ti Tehran a bumalesda iti panag-atake ti Amerika ken Israel kadakuada.
Kinumpirmar met ti Bahrain ti maysa pay a panag-atake iti uneg ti teritoryoda no sadino natamaan ti maysa a service center ti United States Fifth Fleet.
Maipalagip nga inatake ti Estados Unidos ken Israel ti pagilian nga Iran itay malem. //BomboKCS
